کراچی (عکس آن لائن)پاکستان سپر لیگ میں شرکت کے لئے مزید 6 انگلش کھلاڑی کراچی پہنچ گئے ہیں، جو پی ایس ایل کی شان میں اضافہ کریں گے۔انگلش کھلاڑی ویسٹ انڈیز کے خلاف ٹی ٹوئنٹی سیریز کے اختتام پر پاکستان سپر لیگ میں شرکت کے لئے کراچی پہنچے ہیں۔کراچی پہنچنے والے کھلاڑیوں میں ہیری بروک، فلپ سالٹ، ثاقب محمود، کرس جارڈن، جیسن رائے اور جیمز وینس شامل ہیں۔انگش کھلاڑیوں میں شامل پانچ کرکٹر اپنے تین روزہ قرنطینہ کو مکمل کرنے کے بعد اپنی اپنی ٹیموں کو جوائن کریں گے ، جنکہ جیمزونس قرنطینہ نہیں کریں گے۔جیمز ونس کے قرنطینہ نہ کرنے کے حوالے سے کوئٹہ گلیڈی ایٹرز کے مینجر اعظم خان نے پاکستانی میڈیا کو بتایا کہ ان کا کراچی پہنچنے پر ائیرپورٹ پر اینٹی جین ٹیسٹ ہوا تھا۔اعظم خان نے کہا کہ جیمز وینس کی اینٹی جین ٹیسٹ کی رپورٹ منفی آئی ہے جس کے بعد انہیں ٹیم اسکواڈ میں شامل کر لیا گیا ہے۔
انہوں نے بدھ کی شام معین خان اکیڈمی میں پریکٹس سیشن میں بھی حصہ لیا۔انگلینڈ کے جیسن رائے بھی کوئٹہ گلیڈی ایٹرز کا حصہ ہیں ، مگر وہ تین روزہ قرنطینہ کے بعد ٹیم کو جوائن کریں گے۔کراچی پہنچنے والے انگلش کھلاڑیوں میں کرس جارڈن کراچی کنگز کا حصہ ہیں ، ہیری بروک اور فلپ سالٹ کا تعلق لاہور قلندر سے ہے ، جبکہ پشاور زلمی کو ثاقب محمود جوائن کریں گے۔اس سیزن کی اب تک کی بدقسمت کراچی کنگز کی قسمت بدلنے کے لئے کرس جارڈن تین دن بعد ایکشن میں نظر آئیں گے۔
