اسلام آباد(عکس آن لائن) پاکستان پیپلزپارٹی نے کوروناوائرس کی وجہ سے لاک ڈاون سے متاثرہ غریبوں کیلئے ملک بھر میں سستے تندور کھولنے کا اعلان کر دیا،اسلام آباد کے بعد ملک بھر میں سستے تندور کھولیں جائیں،دسترخوان پر لوگوں کو سستی روٹی اور سالن فراہم کیا جائیگا۔
ذرائع کے مطابق پیپلز پارٹی نے ملک بھر میں سستے تندور کھولنے کا بڑا فیصلہ کیا ہے،پیپلزپارٹی چئیرمین بلاول بھٹو کی ہدایات کے مطابق پیپلزپارٹی کے سیکرٹری جنرل سید نئیر حسین بخاری نے پارٹی رہنماوں سے مشاورت کی،نیئر حسین بخاری کو مخیر حضرات نے بھرپور تعاون کی یقین دہانی کرائی ہے۔پیپلزپارٹی کے سیکرٹری جنرل سید نیئر حسین بخاری نے کہا کہ دسترخوان پر لوگوں کو سستی روٹی اور سالن فراہم کیا جائیگا،
کرونا وبا کے باعث سفید پوش لوگوں کو بھی شدید مشکلات کا سامنا ہے،لوگوں کو سستا کھانہ فراہم کرنے کے لئے ملک بھر میں دسترخوان کھولے جائیں،پیپلز پارٹی کی شہری ضلحی ڈویژنل تنظیمیں زیادہ سے زیادہ”عوامی تندور “کھول کر شہریوں کی مدد کریں
