لاہور (عکس آن لائن)سی ای او لاہور قلندرز عاطف رانا نے کہا ہے کہ پاکستان سْپر لیگ کے چھٹے ایڈیشن کا آفیشل ترانہ ‘گروو میرا’ بہت اچھا ہے۔اپنے ایک بیان میں عاطف رانا نے کہا کہ ہر چیز کسی کے لیے اچھی اور کسی کے لیے بری ہوتی ہے۔عاطف رانا نے کہا کہ ماضی میں بھی پاکستان سْپر لیگ کے آفیشل ترانوں پر آغاز میں تنقید کی جاتی رہی ہے۔اْن کا کہنا تھا کہ اہم یہ ہے کہ لوگوں کو متحرک رہنے کے لیے کچھ نہ کچھ کرنے کو مل رہا ہے۔واضح رہے کہ شائقین کرکٹ کا ‘گروو میرا’ پر تنقید کرتے ہوئے کہنا تھا کہ پی ایس ایل کے پچھلے تمام سیزن کے آفیشل ترانے اس سے لاکھ درجے بہتر تھے ، کچھ صارفین کا تو یہ بھی کہنا تھا کہ اْنہیں یہ گانا سْننا ہی نہیں چاہیے تھا۔پی ایس ایل 6 کا آفیشل ترانہ سْننے کے بعد زیادہ تر مداحوں نے علی ظفر سے پاکستان سپر لیگ کے لیے دوبارہ گانا ریلیز کرنے کا مطالبہ بھی کیا۔
