لندن(عکس آن لائن)پاکستان اور انگلینڈ کے درمیان چار بین الاقوامی ٹی 20میچوںکی سیریز کا چوتھا اور آخری میچ جمعرات 30مئی کو اوول کرکٹ گراونڈ میں کھیلا جائیگا۔یہ میچ پاکستان کے معیاری وقت کے مطابق رات ساڑھے دس بجے شروع ہوگا جو روشنیوں میں کھیلا جائیگا۔
واضح رہے کہ پاکستان اور انگلینڈ کے درمیان چار بین الاقوامی ٹی 20میچوںکی سیریز کا پہلا اور تیسرامیچ بارش کی نذر ہو گیا تھا جبکہ دوسرا میچ انگلینڈ نے جیتا تھا۔یہ سیریز عالمی ٹی 20کرکٹ کپ کی تیاریوں کاحصہ ہے۔
