لاہور(عکس آن لائن) سینئر اداکارہ ثمینہ پیرزادہ نے کہاہے کہ ٹی وی اور فلموں کیساتھ اسٹیج پر بھی کام کرنے کی خواہش رہی مگربدقسمتی سے مجھے جانداراسکرپٹ کی پیشکش نہیں ہوئی ۔
ایک انٹر ویو میں ثمینہ پیرزادہ نے کہا کہ حقیقی فنکارفلم ، ٹی وی، اسٹیج،ریڈیو ہر جگہ کام کر سکتاہے اور اسے اس میں کوئی ہچکچاہٹ نہیں ہوتی ۔میں نے آغاز پر ٹی وی اور فلم کے ساتھ اسٹیج پر بھی کام کیا مگردو دہائیاں گزرنے کے باوجود مجھے اسٹیج پر کسی جاندار کردار کی پیشکش نہیں ہوئی اور اسی وجہ سے میں اسٹیج ڈرامہ نہیں کر پائی ۔ میر آج بھی خواہش ہے کہ میں اسٹیج پر کام کروں لیکن میر ے لئے کردارمیری شخصیت کے مطابق ہونا چاہیے۔
