اسلام آباد(عکس آن لائن)) وفاقی وزیر برائے سائنس و ٹیکنالوجی چوہدری فواد حسین نے کہا ہے کہ ہانگ کانگ کی طرز پر پولیس ناکے پرہونے والی ہرگفتگو، رویہ اور کاروائی ریکارڈ کا حصہ بنانے کے لیے ویڈیو کیمرہ پولیس یونیفارم کا حصہ ہونے بارے میری تجویز پر موٹروے اور اسلام آباد پولیس عملدرآمد کیلئے تیار ہیں۔
اتوار کو سماجی رابطے کی ویب سائٹ ٹوئٹر پر اپنے بیان میں چوہدری فواد حسین نے کہا کہ کچھ عرصہ قبل میں نے تجویز دی تھی کہ ہانگ کانگ کی طرز پر ویڈیو کیمرہ پولیس یونیفارم کا حصہ ہونا چاہیے تاکہ پولیس ناکے پرہونے والی ہر گفتگو، رویہ اور کارروائی ریکارڈ کا حصہ بن سکے ، ان کا کہنا تھا کہ مجھے خوشی ہے کہ موٹروے پولیس اور اسلام آباد پولیس اب اس طریقہ کار پر عملدرآمد کیلئے تیار ہیں
