کرائسٹ چرچ (عکس آن لائن)ویسٹ انڈیز نے سری لنکا کو پہلے ون ڈے انٹرنیشنل میچ میں 8 وکٹ سے شکست دیدی۔سری لنکا نے ٹاس جیت کر پہلے بیٹنگ کا فیصلہ کیا اور پوری ٹیم 49 ویں اوور میں 232 رنز پر آئوٹ ہو گئی۔سری لنکا کی جانب سے دونوں اوپنرز اور بندارا نے نصف سنچریاں بنائی،بعد میں آنے والے کھلاڑی کچھ خاص کھیل پیش نہیں کرسکے۔ویسٹ انڈیز کی جانب سے جیسن ہولڈر اور جیسن محمد نے سری لنکا کے دو، دو کھلاڑیوں کا شکار کیا۔
ہدف کے تعاقب میں کالی آندھی کے اوپنرز نے اچھے کھیل کا مظاہرہ کیا، 233 رنز کا ہدف 47 ویں اوور میں 2 وکٹوں کے نقصان پر حاصل کرلیا۔دونوں اوپنرز کے درمیان 143 رنز کی شراکت قائم ہوئی۔ شائی ہوپ 110 رنز بنا کر آئوٹ ہوئے جبکہ دوسرے اوپنر اوین لیوس نے 65 رنز بنائے۔سری لنکا کی جانب سے چیمیرہ واحد کامیاب بالر رہے جنہوں نے ویسٹ انڈیز کے دونوں اوپنرز کو آئوٹ کیا۔دونوں ٹیموں کے درمیان ون ڈے سیریز کا دوسرا میچ (آج)جمعہ کوکھیلا جائیگا جبکہ تیسرا اور آخری میچ 14 مارچ کو ہوگا۔
