اسلام آباد (عکس آن لائن)مسلم لیگ (ن) وزیراعلیٰ پنجاب کے لیے پرویز الٰہی کے نام پر راضی نہیں ۔ ذرائع کے مطابق پرویز الٰہی کے بطور وزیراعلیٰ نام کی تجویز نواز شریف کے سامنے رکھی جائے گی اور اس حوالے سے مسلم لیگ (ن) کے قائد فیصلہ کریں گے۔
ذرائع کے مطابق 11 رکن قومی اسمبلی اس وقت مسلم لیگ (ق) کے ساتھ رابطے میں ہیں اور یہ ارکان (ق) لیگ کے ذریعے ہی آگے چلیں گے۔ادھر پیپلزپارٹی بھی بعض ارکان اسمبلی کیساتھ رابطوں میں ہے، 25 کے قریب ارکان قومی اسمبلی اپوزیشن اور (ق) لیگ سے رابطے میں ہیں۔نجی ٹی وی کے مطابق پیپلزپارٹی اور جے یو آئی کی تجویز ہے کہ مرکز میں مسلم لیگ (ن) حکومت بنائے اور پنجاب کی وزارت اعلیٰ پرویز الہٰی کو دی جائے۔
