لاہور (نمائندہ عکس)وزیر اعلیٰ پنجاب حمزہ شہباز نے کہا ہے کہ مسلم لیگ (ن) لیگ عوام کے دلوں میں بستی ہے‘گجرات کے لوگوں نے ہمارے دل جیت لئے ‘گجرات میں شدید گرمی کے باوجود کارکنوں کا جوش و خروش دیدنی تھا‘آپ نے میرا مان بڑھایا ‘آپ کی محبتوں کا قرض نہیں چکا سکتا لیکن گجرات کے مسائل حل کر کے آپ کی محبتوں کا قرض اتاروں گا۔
گجرات میں تاریخ ساز جلسے پر شہریوں سے اظہار تشکر کرتے ہوئے وزیر اعلیٰ پنجاب حمزہ شہباز نے کہا کہ گجرات کے لوگوں نے ہمارے دل جیت لئے ہیں، کوٹلہ، گجرات میں شدید گرمی کے باوجود کارکنوں کا جوش و خروش دیدنی تھا۔ حمزہ شہباز نے کہا کہ گجرات والوں نے میرا مان بڑھایا ہے،میں آپ کی محبتوں کا قرض نہیں چکا سکتا لیکن گجرات کے مسائل حل کر کے آپ کی محبتوں کا قرض اتاروں گا۔
انہوں نے کہا کہ مسلم لیگ ن عوام کے دلوں میں بستی ہے اور دلوں پر ہی راج کرتی ہے، گجرات مسلم لیگ ن کا ہے اور انشاء اللہ آئندہ بھی مسلم لیگ ن کا ہی رہے گا۔ وزیر اعلیٰ پنجاب کا کہنا تھا کہ کوٹلہ، گجرات میں عوام کا سمندر عمران نیازی کی بند آنکھیں کھولنے کے لئے کافی ہے، گجرات کے عوام نے فیصلہ سنا دیا ہے کہ ”سازشی خان“ کا کوئی مستقبل نہیں۔ انہوں نے مزید کہا کہ کوٹلہ،گجرات کے اپنے ساتھی عابد رضا، منتخب نمائندوں اور کارکنوں کا اتھاہ گہرائیوں سے شکریہ ادا کرتا ہوں۔
