اسلام آباد (عکس آن لائن )وزارت منصوبہ بندی، ترقی و اصلاحات نے سرکاری شعبہ کے ترقیاتی پروگراموں میں نیشنل ہائی وے اتھارٹی کے ترقیاتی منصوبوں کے لئے مجموعی طورپر اب تک 93 ارب 57 کروڑ روپے سے زائد کے فنڈز جاری کردیئے ہیں، حکومت نے رواں مالی سال کے دوران این ایچ اے کیلئے ایک کھرب 54 راب 96 کروڑ روپے کے فنڈز مختص کئے ہیں۔
پلاننگ کمیشن کی طرف سے جاری اعداد وشمار کے مطابق حکومت نے سی پیک کے تحت ژوب کچلاک روڈ کے لئے 3 ارب، این 70 کے لئے 33 کروڑ، پشاور ناردرن بائی پاس کے لئے 2 ارب 50 کروڑ، لواری ٹنل کو ملانے والی سڑکوں کی تعمیر کے لئے 55 کروڑ 53 لاکھ، کالا شاہ کاکو سے لاہور رنگ روڈ کی تعمیر کے لئے 62 کروڑ 53 لاکھ، لاہور ملتان موٹر وے کے لئے 2 ارب 34 کروڑ، برہان ہکلہ موٹر وے کے لئے 11 ارب 50 کروڑ، برہان حویلیاں ایکسپریس وے کی تعمیر کے لئے 81 کروڑ، یکمچ خاران روڈ کی تعیمر کے لئے 50 کروڑ، کاریک کوریڈور ڈویلپمنٹ کے لئے 2 ارب 44 کروڑ روپے سے زائد کے فنڈز جاری کردیئے ہیں۔
