قصور (عکس آن لائن) مچھلی جلد ہضم ہو کر جنسی ہارمون کی تحریک کو بڑھاتی ہے‘ ہرقسم کی کمزوریوں کا ازالہ کرکے دماغ ا ور مردانہ صلاحیتوں میں خوب اضافہ کرتی ہے‘ پٹھوں اور جسمانی طاقت کیلئے انتہائی موثر ہے‘ تندرستی اورصحت میں اضافہ کرتی ہے‘لوبلڈپریشر والوں کیلئے مچھلی نہایت مفیدہے‘ رنگت کو نکھارتی اور سرخ بناتی ہے ۔
ان خیالات کا اظہارفاضل طب الجراحت‘فزیشن آف ہربل میڈیسن قصورحکیم میاں لیاقت احمدعلی نے گفتگو کرتے ہوئے کیا۔انہوں نے بتایا کہ مچھلی شوگرکے مریضوں کیلئے بہتر اور توانائی بخش غذاہے‘ وٹامن ای سے بھرپور ہڈیوں کو طاقتور بناتی ہے‘ دماغی کمزوری اورجسمانی کمزوری کو ختم کرتی ہے ‘اعضائے رئیسہ کو طاقت دیکر قوت مدافعت میں اضافہ کرتی ہے‘موسم سرما میں مچھلی کا استعمال ضروری سمجھاجاتاہے ‘قدرتی توانائی کیلئے انمول تحفہ ہے‘کولیسٹرول فری ہے ‘مچھلی جوانی کو قائم اوربڑھاپے کو دوررکھتی ہے۔
لہذاہمیں چاہئیے کہ ہم اپنی روزمرہ کی خوراک میں مچھلی کو بھی شامل کریں ہفتہ میں کم ازکم ڈیڑھ پاؤیا آدھاکلومچھلی ضرورکھانی چاہئے تاکہ انسانی جسم تواناوتندرست رہیں۔
