فیصل آباد (عکس آن لائن) مویشیوں کی غذائی ضروریات پوری کرنے کیلئے سرما کے چارے کی کاشت 15 نومبر تک مکمل کرنے کی ہدایت کر دی گئی ہے اور ماہرین زراعت کی جانب سے کاشتکاروں سے کہاگیاہے کہ وہ ربیع کے سبز چارے کی کاشت کاعمل بروقت مکمل کر لیں تاکہ موسم سرما کے دوران مویشیوں و جانوروں کیلئے سبز چارے کی قلت کا سامنا نہ کرناپڑے۔
انہوں نے کہاکہ ربیع کے چارے کی کاشت کیلئے ذرخیز زمین کا انتخاب بھی ضروری ہے۔ انہوں نے کہاکہ معیاری سبز چارے کی فراہمی مویشیوں کی صحت اور پیداوار میں اضافے کی بھی ضامن ہے۔
انہوں نے کہاکہ کاشتکار سبز چارے کی کاشت کیلئے 6 سے 8 کلوگرام معیاری و صاف ستھرا بیج استعمال کرسکتے ہیں۔
