لاہور(عکس آن لائن)آل پاکستان انجمن تاجران کے مرکزی صدراشرف بھٹی نے کہا ہے کہ اشیائے ضروریہ کی قیمتوں کے حوالے سے ادارہ شماریات کے ہفتہ وار اعدادوشمار صرف دھوکہ ہیں جبکہ حقیقت میں کئی گنازیادہ مہنگائی ہے ، ملک میں ہیجان اور بے چینی کی کیفیت ہے جس کا وزیر اعظم کو نوٹس لینا چاہیے ،حکومت ٹیکسزکی صورت میںاپنا منافع کم کرنے کے لئے تیار نہیں اور ہرطرح کا بوجھ عوام کے کندھوں پر ڈالا جارہا ہے۔اپنے ایک بیان میں انہوںنے کہا کہ وزیر اعظم عمران خا ن سے اپیل ہے کہ اپنے وزراء ،مشیروں اوربیورو کریسی کی رپورٹس پر آنکھیں بندکر کے یقین کرنے کی بجائے عوام میں آکردیکھیں وہ کس طرح زندگی بسر کر رہے ہیں،مہنگائی بڑھنے کی وجہ سے عوام کی قوت خریدجواب دے رہی ہے اورجب مارکیٹوںمیںخریدار نہیں ہوں گے توتاجرکسے فروخت کریں گے۔ انہوں نے کہا کہ پیٹرولیم مصنوعات ، بجلی اور گیس کی قیمتوںمیںاضافے کے اثرات ہرطبقے پر پڑتے ہیں لیکن سب سے زیادہ نقصان تاجراورغریب طبقات کوہوتا ہے ۔ انہوں نے کہا کہ حکومت سے اپیل ہے کہ مہنگائی میں اضافے کا سبب بننے والی پالیسیوں پر نظر ثانی کی جائے اور عوام کو ریلیف دینے کیلئے پیٹرولیم مصنوعات اوربجلی کی قیمتوں میں کمی کرکے انہیں ایک سطح پر منجمد کیا جائے ۔
مزید پڑھیں
Load/Hide Comments
Recent Posts
- چین اور ہنگری کو اعلیٰ سطح تبادلوں کو برقرار رکھنے کی ضرورت ہے، چینی صدر
- رین آئی ریف پر غیرقانونی طور پر گراؤنڈڈ جنگی جہاز کے باعث مرجان کی چٹان کے حیاتیاتی نظام کو نقصان پہنچا ہے، چین
- چین مصنوعی ذہانت کو بالادستی کے لئے آلے کے طور پر استعمال کرنے کی مخالفت کرتا ہے، چینی میڈ یا
- امر یکی گروپس نے ایک سال کے دوران چینی اداروں پر ساڑھے چار کروڑ سے زائد سائبر حملے کئے ، چین کی تحقیقات میں انکشاف
- تاجکستان اور چین کے تعلقات مشترکہ ترقی کا نمونہ ہیں، سا بق سیکر ٹری جنرل ایس سی او