لاہور(عکس آن لائن) نامور اداکارہ ثناء نے کہا ہے کہ مشکل کرداروں سے پیچھا چھڑانے کی بجائے انہیں ہمیشہ چیلنج کے طور پر لیا ہے ،خود پر کسی خاص کردار کی چھاپ نہیں لگوانا چاہتی بلکہ چاہتی ہوں کہ جو بھی کردار ادا کروں وہ میرے پرستاروں کے دل میں اترنا چاہیے ۔ ایک انٹر ویو میں اداکارہ نے کہا کہ پاکستان کا ٹی وی ڈرامہ عروج کے دور سے گزر رہا ہے اور اسے بر قرار رکھنے کے لئے ہمیں مزید محنت سے کام کرنا ہو گی ۔
انہوں نے کہا کہ اپنے کیرئیر کے آغاز سے آج تک کسی بھی پراجیکٹ کو آنکھیں بند کر قبول نہیں کیابلکہ اس میں اپنے لئے منتخب کئے گئے کردار کا بغور جائزہ لیتی ہوں اور اگر اداکاری کا مارجن نظر آرہا ہو تو اسے نئے رنگ کے ساتھ نبھانے کی کوشش کرتی ہوں۔انہوں نے کہا کہ زندگی ہنسی اور خوشی کا حسین امتزاج ہے اورانسان کو ہر حال میں اللہ کا شکر ادا کرنا چاہیے ورنہ انسان کبھی بھی مطمئن نہیں ہو سکتا۔
