مکہ مکرمہ (عکس آن لائن) مکہ مکرمہ میں مسجد الحرام کی انتظامیہ حرم کے وضو خانوں میں پانی کے استعمال میں65 فیصد کمی لانے پر غورکر رہی ہے۔سعودی گزٹ کے مطابق حرم مکہ اور مسجد نبوی کے لئے جنرل اتھارٹی نے باتھ رومز میں پانی کی کھپت میں کمی لانے کے بارے میں ایک منصوبے پر کام شروع کر دیا ہے۔
اس پر عملدرآمد چند مہینوں میں کر دیا جائے گا۔انتظامیہ کے مطابق غسل خانوں اور بیت الخلاء میں پانی کی کھپت کو کم کرنے کے لئے جدید طریقوں کا استعمال کیا جائے گا اورآئندہ حج سے قبل اس منصوبے کو مکمل کرنے کی پوری کوشش کی جائے گی۔
حرم شریف میں آنے والوں کے لیے اطراف میں 5660 غسل خانے ہیں اور اس کے علاوہ وضو کرنے کے لیے 2241 جگہیں متعین ہیں۔
