لاہور (عکس آن لائن)وزیر مملکت برائے موسمیاتی تبدیلی زرتاج گل نے کہاہے کہ وفاقی حکومت کے پاس احساس نقد امدادکے پروگرام کے تحت مستحق خاندانوں میں تقسیم کی جانے والی نقدرقوم کے مکمل اعدادوشمار موجود ہیں۔
ایک انٹر ویو میں انہوں نے کہاکہ سندھ حکومت کے پاس نہ تو غریبوں میں تقسیم کی جانے والی رقوم کاکوئی ریکارڈ ہے اورنہ ہی مکمل لاک ڈائون کاکوئی جوازہے۔وفاقی حکومت نے سندھ میں اس پروگرام کے تحت مستحق خاندانوں میں رقوم شفاف طریقے سے تقسیم کی ہیں۔
ایک سوال کے جواب میں انہوں نے کہاکہ وزیراعظم نے مشیرخزانہ ڈاکٹرعبدالحفیظ شیخ سے کہاہے کہ 60سے زیادہ عمرکے لوگوں کے لئے انگوٹھے کے نشانات تاحیات کارآمدبنائے جائیں۔
