قصور (عکس آن لائن):موسم گرما اورحبس میں اضافہ کے باعث محکمہ زراعت نے سبزیوں کے کاشتکاروں کو 8سے 10دن کے وقفہ سے آبپاشی جاری رکھنے کی ہدایت کی ہے اورکہا ہے کہ چونکہ موسم گرماکی شدت میں اضافہ کیساتھ ساتھ حبس بھی بڑھتاجارہاہے لہذاکاشتکار سبزیات کی آبپاشی میں کسی کوتاہی کا مظاہرہ نہ کریں اور 8سے 10دن کے وقفہ سے سبزیوں کو پانی دیتے رہیں تاکہ کمزورزمین میں یہ وقفہ 4سے5دن بھی کیاجاسکتاہے۔
ڈپٹی ڈائریکٹرمحکمہ زراعت(توسیع)قصورمحمداکرم طاہرنے بتایا کہ موسم گرماحبس کے دوران بینگن اور بھنڈی کی فصل پرہڈاہیٹل سبزتیلے اور جوں کا حملہ ہوسکتاہے لہذاکاشتکار محکمہ زراعت(توسیع) کے عملہ کی مشاورت سے سفارش کردہ زہروں کا بروقت استعمال کریں۔انہوں نے بتایا کہ اگرگھیاکدوچپن کدو حلو کدو کھیرے اور گھیاتوری کی لال بھونڈی کا حملہ مشاہدے میں آئے تو فوری طورپر ماہرین زراعت یا محکمہ زراعت (توسیع) کے فیلڈ سٹاف سے مشورہ کرکے مناسب زہرکا دھوڑایاسپرے کیاجائے۔
