لاہو ر(عکس آن لائن) لاہور قلندرز کے آل رائونڈر ڈیوڈ ویسا کی ڈگ آئوٹ میں صفائی کرتے ویڈیو وائرل ہو گئی۔انٹرنیٹ پر وائرل ہونے والی ویڈیو میں دیکھا جا سکتا ہے کہ ڈیوڈ ویسا دیگر کھلاڑیوں کے پویلین جانے کے بعد ڈگ آئوٹ میں صفائی کر رہے ہیں۔ڈیوڈ ویسا قذافی اسٹیڈیم میں اپنے ڈگ آئوٹ میں پڑی خالی بوتلیں اٹھا رہے ہیں،
انہوں نے بوتلیں اٹھا کر کوڑا دان میں ڈال دیں۔واضح رہے کہ ایچ بی ایل پی ایس ایل 8کے 16ویں میچ میں لاہور قلندرز نے اسلام آباد یونائیٹڈ کو آئوٹ کلاس کرتے ہوئے 110 رنز سے شکست دی تھی۔قذافی اسٹیڈیم لاہور میں کھیلے گئے اس میچ میں لاہور قلندرز کے 201رنز کے ہدف کے تعاقب میں اسلام آباد یونائیٹڈ کی ٹیم 90 رنز پر سمٹ گئی تھی۔
