لاہور(عکس آن لائن)نامور اداکارہ میرا نے کہا ہے کہ لالی ووڈ میں بھی مافیا نے پنجے گاڑھے ہوئے ہیں ، یہاں ہر دن جینے اور مرنے کے برابر ہے ۔ خصوصی گفتگوکرتے ہوئے میرا نے کہا کہ لالی ووڈ ہرگز مافیا سے پاک نہیں ہے بلکہ یہاں بھی مافیا نے اپنے پنجے گاڑھے ہوئے ہیں ،
یہ حسد ، بغض اور سازشوں کی منڈی ہے اورکسی کی کوئی عزت نہیں ۔انہوں نے کہا کہ یہاں کام کرنے والوں کی پہچان ہی نہیں کی جاتی ۔ میں تو یہ کہوں گی کہ فلم انڈسٹری میں ہر دن جینے اور مرنے کے مترادف ہے اور یہ بڑی اذیت ہوتی ہے ۔ میرا نے کہا کہہ ہماری فلم انڈسٹری میں کوئی کسی کا نہیں ہے سب کے اپنے اپنے مفادات ہے ، آپ کے منہ پر
آپ کے ساتھ ہوں گے ا ور آپ کے جاتے ہی اپنا وزن کسی اور کے پلڑے میں ڈال دیتے ہیں اور نہ صرف آپ کی برائیاں کرتے ہیں بلکہ آپ کے خلاف سازشیں بھی کی جاتی ہیں۔
