لاہور( عکس آن لائن)صوبائی وزیر جیل خانہ جات فیاض الحسن چوہان نے کہا ہے کہ قومی اسمبلی کے دونوں حلقوں میں تحریک انصاف کی فتح ریاست مخالف لیگی بیانیے کے منہ پر زناٹے دار طمانچہ ہے،جہاں سے (ن)لیگ جیتے وہاں الیکشن شفاف اور جہاں ہارے وہاں یہ دھاندلی کا راگ الاپتے ہیں۔ اپنے بیان میں انہوں نے کہا کہ 2018 کے انتخابات میں پی پی 51 کی سیٹ پی ٹی آئی نے 32 ہزار ووٹوں سے ہاری تھی، ضمنی انتخاب میں پی ٹی آئی 110 گنا زیادہ ووٹ لے کر یہ فرق صرف چار ہزار کم ووٹوں پر لے آئی۔ اس بار پی ٹی آئی کا مقابلہ صرف (ن)لیگ نہیں ساری پی ڈی ایم سے تھا۔ انہوں نے کہا کہ رانا ثنا اللہ، ،میاں جاوید لطیف، عظمی بخاری، عطا تارڑ اپوزیشن میں ہونے کا ناجائز فائدہ اٹھاتے رہے،لیگی قیادت اپنے کرائے کے غنڈوں کے ساتھ بدمعاشیاں کرتے اور انتخابی عمل پر اثر انداز ہوتے رہے،ڈسکہ اور وزیر آباد کی عوام کو خراج تحسین جنہوں نے وزیر اعظم عمران خان کے جذبہ حب الوطنی کا ساتھ دیا،امید ہے ضمنی انتخابات کے بعد نواز شریف اور بیگم صفدر اعوان کی آتمائوں کو شانتی مل گئی ہو گی،اب انہیں خشوع و خضوع کے ساتھ سینیٹ اور بلدیاتی انتخابات میں شکست کی تیاری کرنی چاہیے ۔ فیاض الحسن چون نے کہا کہ پنجاب عمران خان اور سردار عثمان بزدار کی قیادت میں ترقی کے سفر میں پی ٹی آئی کے ساتھ کھڑا ہے۔
مزید پڑھیں
Load/Hide Comments
Recent Posts
- چین نے ہر مشکل گھڑی میں پاکستان کا غیر مشروط ساتھ دیا ہے، وزیر منصو بہ بندی
- چینی قوم کے ہم نصیب معاشرے کے تصور کو فروغ دیا جائے ، چینی صدر
- چین، برازیل اور “گلوبل ساؤتھ” کے دیگر ہم خیال ممالک ” فرینڈز آف پیس فار دی یوکرین کرائسز ” قائم کریں گے ، چینی وزارت خارجہ
- چین کے مرکزی بینک کا مالیاتی اداروں کے ریزرو ریکوائرمنٹ ریشو میں 0.5 فیصد پوائنٹس کی کمی کا اعلان
- گلوبل ڈویلپمنٹ انیشیٹو چینی تجاویز سے بین الاقوامی اتفاق رائے میں تبدیل ہو گیا ہے، چینی وزیر خا رجہ