خالق نگر(عکس آن لائن)معروف اداکارہ وماڈل علیبہ خان نے کہا ہے کہ معمول کی فارمولا فلموں کے باعث فلم انڈسٹری کی بربادی ہوئی جب کہ نگارخانے اور سینما گھروں پر ویرانی کا راج ہوگیاتھا لیکن اب ایک مرتبہ پھر سے معیاری فلمسازی اورجدید سینما گھروں کے باعث حالات میں بہتری کے آثارنمایاں دکھائی دے رہے ہیں،انہوں نے کہا کہ مجھے بہت سی فلموں میں مرکزی کردارکرنے کی آفرزہیں لیکن جب بھی مجھے کوئی اچھا اور منفرد پروجیکٹ آفر ہوگا میں ضرور کام کرونگی۔
علیبہ خان نے کہا کہ میں اس وقت کچھ نئے پروجیکٹس کے معاملات کو بھی حتمی شکل دے رہی ہوں،لیکن میں بہت سوچ سمجھ کر ایسے پروجیکٹس سائن کرتی ہوں جن میں کام کرکے مزہ آئے اور میں اپنی فنکارانہ صلاحیتوں کا بہتر انداز سے سکرین پر اظہار بھی کرسکوں ،انہوں نے کہا کہ ہمارے ہاں اب نوجوان فلم میکرز انٹرنیشنل مارکیٹ کے مطابق فلمیں بنانے جارہے ہیں جو بہت خوش آئند بات ہے اس لیے یہ کہنا غلط نہ ہوگا کہ آئندہ چند برسوں کے بعد پاکستان فلم انڈسٹری بھی ایک منفرد مقام پرہوگی اور پاکستانی فلمیں دنیا بھر میں دیکھی اورپسند کی جائینگی۔
