لاہور (عکس آن لائن) پاکستانی شوبز انڈسٹری کی معروف اداکارہ، میزبان و گلوکارہ فضا علی نے”کہانی سنو” کا اپنا ورژن پیش کر کے میوزک کی دنیا میں تہلکہ مچا دیا۔حال ہی میں لندن میں چوتھے رائزنگ پاکستان فیشن اینڈ لائف سٹائل شو کا انعقاد ہوا جس میں فضا علی نے گلوکار کیفی خلیل کے بلاک بسٹر گانے ”کہانی سنو” کو اپنی آواز میں پیش کرکے میوزک کی دنیا میں طوفان برپا کردیا۔
فیشن شو میں فضا سیاہ باڈی کون ڈریس کے ساتھ سلور چمکتے اپر میں ملبوس دکھائی دیں، انہوں نے ہاتھ میں مائیک تھامے کیفی خلیل کے گانے ”کہانی سنو” پر ایسی آواز کا جادو جگایا کہ ہر سننے والا ان کی آواز کے سحر میں مبتلا ہو گیا۔
فضا علی نے گانا گاتے مختصر ویڈیو فوٹو اینڈ ویڈیو شیئرنگ ایپ انسٹاگرام پر بھی اپ لوڈ کی جس کے کیپشن میں انہوں نے لکھا کہ یہ لندن میں ایک بلاسٹ شو تھا اور یہاں کی محبت اور مہمان نوازی کیلئے بہت مشکور ہوں۔
