ننکانہ صاحب (عکس آن لائن ) وفاقی وزیر داخلہ اعجاز شاہ نے کہا ہے کہ غیر ریاستی عناصر کو ملک میںبھائی چارے کی فضا کو خراب کرنے کی اجازت نہیںدیں گے، امن کے خلاف کام کرنے والوں سے آہنی ہاتھوں سے نمٹیں گے ، عوام کی خدمت میں رخنہ ڈالنے والوں سے بھی سختی سے نمٹیں گے،
بھائی چارے کے خلاف سوچنے والے ملک وقوم کے دشمن ہیں۔اتوار کو پریس کانفرنس سے خطاب کرتے ہوئے وزیر داخلہ اعجاز شاہ نے کہا کہ پاکستان میں اقلیتوں سمیت سب کا محبت و بھائی چارے سے رہنا دنیا کے لئے مثال ہے ، بھائی چارے کے خلاف سوچنے والے ملک وقوم کے دشمن ہیں ، انہوں نے کہا کہ غیر ریاستی عناصر ملک میں بھائی چارے کی فضا کو خراب کرنا چاہتے ہیں،
بھائی چارے کے خلاف کام کرنے والوں سے آہنی ہاتھوں سے نمٹیں گے ، اعجاز شاہ نے کہا کہ عوام کی خدمت میں رخنہ ڈالنے والوں سے بھی سختی سے نمٹیں گے ، اس موقع پر گفتگو کرتے ہوئے پاکستان تحریک انصاف کے رہنماءمیاں محمود الرشید نے کہا کہ بھارت میں مسلمانوں کے خلاف اقدامات پوری دنیا دیکھ رہی ہے ۔
