ممبئی (عکس آن لائن) مسٹر پرفیکشنسٹ عامر خان کی بیٹی ایرا خان کی شادی کی تقریبات کا آغاز ہو گیا۔ایرا خان نے انسٹا گرام پر مراٹھی انداز میں شادی کے آغاز کی رسم کیلوان مناتے ہوئے تصویریں مداحوں کے ساتھ شیئر کی ہیں۔
ایرا خان نے پوسٹ کے کیپشن میں منگیتر نوپور شیکھرے سے محبت کا اظہار کرتے ہوئے لکھا ہے کہ میں اس سے بہت پیار کرتی ہوں۔ایرا خان نے شادی سے پہلے کی تقریب کیلوان کیلئے سرخ ساڑھی کا انتخاب کیا اور ساتھ میں پھولوں کے زیورات پہنے جبکہ ان کے منگیتر نوپور شیکھرے نے پیلے رنگ کا کرتا پاجامہ زیب تن کیا۔
