لاہور(عکس آن لائن)سینئر اداکارائوں ثمینہ پیرزادہ اوربشریٰ انصاری نے کہا ہے کہ شہری کوروناویکسین کے حوالے سے کسی شکوک و شبہات کا شکارنہ ہوں ،یہ ہماری حفاظت کیلئے ہے ، سینئر سٹیزن حکومت کے بتائے ہوئے طریق کا رکے مطابق رجسٹریشن کرائیں اورویکسی نیشن کرائیں ۔ یاد رہے کہ دونوں سینئر خواتین اداکارائوںنے کورونا کی ویکسی کرا لی ہے ۔ ایک انٹرویو میں ثمینہ پیرزادہ نے کہا کہ حکومت کی جانب بہترین انتظامات کئے گئے ہیں اور میں انہیں بھرپورسراہتی ہوں ۔ بشریٰ انصاری نے کہا کہ شہریوں کو کسی بھی طرح کے شکوک و شبہات میں نہیں پڑناچاہیے ،یہ ویکسی نیشن ہماری حفاظت کے لئے ہے ۔ انہوں نے کہا کہ خدا کی ذات سے دعا ہے کہ پاکستان سمیت پوری دنیا کو جلد از جلد اس وباء سے چھٹکارامل جائے اورمعمولات زندگی بحال ہوں۔
