شکار پور (عکس آن لائن)شکارپور کے نواحی علاقے ہمایوں شریف میں شک کی بنیاد پر بھائی نے فائرنگ کرکے بہن کو قتل کردیا اور فرار ہوگیا۔پولیس کے مطابق خاتون کی شناخت 23 سالہ ثمینہ کے نام سے ہوئی ۔ واقعہ کے بعد خاتون کی لاش کو سول ہسپتا ل منتقل کردیا گیا اور پوسٹ مارٹم کے بعد لاش لواحقین کے حوالے کردی گئی۔پولیس نے سرکار کی مدعیت میں 3 افراد جن میں اس کے بھائی، چچا اور کزن شامل ہیں، مقدمہ درج کرلیا ۔ملزمان کی گرفتاری کے لیے پولیس کے مختلف علاقوں میں چھاپے جاری ہیں۔
