لاہور(عکس آن لائن ) ماڈل حنا بٹ نے کہا ہے کہ پاکستان میں شوبز انڈسٹری کو جدید تقاضوں کے مطابق ڈھالا جائے۔ ایک انٹرویو میں حنا بٹ نے کہا کہ شوبز حالات بہت بدل چکے ہیں پاکستان شوبز انڈسٹری کو جدید تقاضوں کو پورا کرنے کیلئے جدید ٹیکنالوجی استعما ل کرنی چاہیے ۔
ایک سوال کے جواب میں انہوں نے کہا کہ حکومت کو بھی چاہیے کہ شوبز انڈسٹری کیلئے خصوصی اقدامات کرئے تاکہ نوجوان نسل کاٹیلنٹ ضائع ہونے سے بچ سکے ۔ انہوں نے کہا کہ پاکستان میں ماڈلنگ کے شعبہ نے بہت ترقی کی ہے ۔ انہوں نے مزید کہا کہ اپنے کام پر توجہ دینی چاہیے اوربھرپور محنت سے کام میں نکھار لانے کیلئے جدوجہد جاری رکھنی چاہیے۔
