شمالی شام میں کوئی نیا فوجی آپریشن نہیں ہوگا، روس کا اعلان

ماسکو (عکس آن لائن)روس نے کہا ہے کہ ترکی شمالی شام میں کوئی نیا فوجی آپریشن شروع نہیں کرے گا۔غیرملکی خبررساں ادارے کے مطابق ترکی نے چند روز پہلے ہی عندیہ دیا تھا کہ وہ شمالی شام میں ایک نیا فوجی آپریشن شروع کر سکتا ہے۔

تاہم روسی وزیر خارجہ سیرگئی لاروف نے کہاکہ ترکی جن کرد عسکریت پسندوں کے خلاف آپریشن کرنا چاہتا تھا، وہ بڑی حد تک علاقے سے جا چکے ہیں۔ترکی نے ماسکو کو اب یہ یقین دہانی کرائی ہے کہ علاقے میں نئے آپریشن کی ضرورت نہیں رہی۔