لاہور (عکس آن لائن)پاکستان کرکٹ ٹیم کے سابق کپتان شعیب ملک نے زمبابوے سے پاکستان کی شکست کاذمہ دار مینجمنٹ کو ٹھہرا دیا ۔ایک بیان میں کہا کہ جب کپتان کو خود سے فیصلے نہیں کرنے دیئے جائیں گے تو پھر ایسے ہی نتائج سامنے آئیں گے۔سوشل میڈیا پر اپنے پیغام میں شعیب ملک نے کہاکہ ٹیم کو انٹرنیشنل وائٹ بال کوچ کی ضرورت ہے۔شعیب ملک نے سوشل میڈیا پر اپنے پیغام میں کہا کہ ناواقف فیصلہ سازوں کو پیچھے ہٹنے کی ضرورت ہے۔
انہوں نے کہا کہ بابر اعظم اور چیف سلیکٹر کو آگے بڑھ کر فیصلے کرنے ہوں گے، جب کپتان کو خود سے فیصلے نہیں کرنے دیئے جائیں گے تو پھر ایسے ہی نتائج سامنے آئیں گے۔شعیب ملک نے کہا کہ ٹیم کو انٹرنیشنل وائٹ بال کوچ کی ضرورت ہے، ایسا وائٹ بال کوچ جو کھیل کو سمجھتا ہو اور کپتان کو گروم کرسکے۔ان کا کہنا تھا کہ وائٹ بال کو چ مستقبل کے لیے کھلاڑیوں کو واضح انداز میں بتاسکے۔شعیب ملک نے کہا کہ جب مینجمنٹ پسند ناپسند پر کام کررہی ہو تو قوم کو کوئی توقع نہیں رکھنی چاہئے۔
