قصور(عکس آن لائن)زرعی ماہرین نے بتایا کہ سٹیویا ایک کثیرالفوائد ادویاتی پودہ ہے اس کے پتے چینی سے 10سے 15گنا زیادہ میٹھے ہوتے ہیں اور اسکا عرق چینی سے 200 سے 300 گنا زیادہ میٹھا ہوتا ہے ‘سٹیویا کے پتوں کو پراسیسنگ کے بعدکمرشل بنیادوں پر پاکستان کے مختلف سٹور پر ساشے بناکر فراہم کیا جائے تاکہ چائے میں اس کا استعمال آسانی سے کیا جا سکے۔
زرعی ماہرین نے بتایا کہ اس سٹیویا کی فی ایکڑ فصل سے پہلی کٹائی میں 18سے22من تک خشک پتے حاصل کئے جاسکتے ہیں ۔سٹیویا کو کچن گارڈننگ کے طورپر اگایاجاسکتا ہے ‘ خون میں شوگر کی مقداراور بلڈپریشرکو کم کرتا ہے’سٹیویا کے گلائیکو سائیڈ سرطان کی ادویات بنانے میں استعمال ہوتے ہیں، اس میں کیلشیم کی کافی مقدار ہونے کی وجہ سے عورتوں اور بچوں کی ہڈیوں کی نشونماکیلئے مفید ہے ۔
سٹیویا کوکاشت کرنے کیلئے اس کی نرسری تیار کرنا پڑتی ہے ‘نرسری بیج قلم اورٹشوکلچر سے تیار کی جاسکتی ہے’ بیج سے تیارکردہ پودے 2ماہ بعد جبکہ قلم اور ٹشوکلچر سے کاشت کردہ پودے 1ماہ بعد کھیت میں منتقل کرنے کے قابل ہوجاتے ہیں کیونکہ سٹیویا کے بیج کے شرح اگاﺅ بہت کم ہوتی ہے اسلئے قلم کے ذریعے اس کی افزائش کی جائے، اس کے لئے پودے کا اوپروالا4انچ حصہ کاٹ کر پلاسٹک کے کپ میں موجود مٹی میں لگا کر پانی کا چھڑکاﺅکریں
