ریاض(عکس آن لائن)سعودی عرب اس سال پہلی مرتبہ ریاض میں یونیسکو کے عالمی ثقافتی ورثہ کمیشن کے 45 ویں اجلاس کی میزبانی کرے گا۔عرب ٹی وی کے مطابق عالمی ادارے کے ایک متفقہ فیصلے میں سعودی عرب کو عالمی ثقافتی ورثہ کمیٹی کا باضابطہ چیئرمین قراردیا گیا ۔اس کی سربراہ شہزادی حیفا بنت عبدالعزیزالمقرن ہیں۔وہ یونیسکو میں سعودی عرب کی مستقل مندوب اور یونیسکو کی پروگرامز اور خارجہ تعلقات کمیٹی کی چیئرپرسن ہیں۔ کمیٹی کا اجلاس 10 سے 25 ستمبرتک ہوگا۔
یونیسکو میں سعودی عرب کے مستقل مشن نے ایک ٹویٹ میں کہا کہوہ شروع سے ہی یونیسکو کا ایک وقف رکن ملک ہے، یہ فیصلہ کن اقدام مملکت کے لیے ثقافتی ورثے کے تحفظ، فروغ اور تحفظ کو مزید فروغ دینے کا ایک موقع ہے۔شہزادی حیفا نے کہا کہ یہ فیصلہ عالمی ثقافتی ورثے کی حمایت میں سعودی عرب کے اہم کردار، مشترکہ انسانی ورثے کو فروغ دینے کی جاری کوششوں اور عالمی ثقافتی ورثہ کمیٹی کے اہداف کی تکمیل کے لیے کیے جانے والے کام کا نتیجہ ہے۔اس کے علاوہ یہ فیصلہ یونیسکو میں سعودی عرب کی کوششوں، شاہ سلمان بن عبدالعزیزاور ولی عہد شہزادہ محمد بن سلمان کی جانب سے ثقافتی شعبے کی سرپرستی ، معاونت اور وزیر ثقافت شہزادہ بدربن عبداللہ بن فرحان کی جانب سے جاری حمایت کا بھی مظہرہے۔
