اسلام آباد (عکس آن لائن)گزشتہ ماہ ستمبر میں 7 سو16 ارب روپے کی درآمدات رہیں۔ادارہ شماریات کے مطابق اگست 2020کی نسبت ستمبرمیں درآمدی بل میں 28 فیصد اضافہ رکارڈ ہوا ،گزشتہ ماہ 62 ارب 31 کروڑ کی پیٹرولیم مصنوعات درآمد کی گئیں،ستمبرمیں اگست کی نسبت 2 اعشاریہ45 فیصد پیٹرولیم مصنوعات زیادہ درآمد ہوئیں،گزشتہ ماہ 24 ارب 31 کروڑ روپے کی ایل این جی درآمد کی گئی،
گزشتہ ماہ 19 ارب 31 کروڑ روپے کی الیکٹریکل مشینری درآمد ہوئی،ستمبر میں 30 ارب 93 کروڑ روپے کے موبائل فون درآمد کیے گئے۔ادارہ شماریات کے مطابق گزشتہ ماہ 24 ارب 97 کروڑ روپے کا آئرن اور اسٹیل اسکریپ درآمد کیا گیا،گزشتہ ماہ 26ارب 26 کروڑ روپے کی پاورجنریٹنگ مشینری درآمد کی گئی۔
