لاہور( عکس آن لائن)انسداد دہشتگردی کی خصوصی عدالت نے سانحہ ماڈل ٹائون استغاثہ کیس میں مزید 9 گواہان کے بیانات قلمبند کر لئے۔
انسداد دہشتگردی عدالت کے جج ارشد جاوید نے سانحہ ماڈل ٹائون استغاثہ کیس کی سماعت کی۔ ملزمان کے وکیل برہان معظم ملک عدالت پیش ہوئے۔دوران سماعت انسپکٹر ذوالفقار بٹ ،سب انسپکٹر اشرف عقیل، کانسٹیبل اخلاق احمد ، بابر سہیل سمیت 9 گواہان کے بیان قلمبند کئے گئے۔عدالت نے مزید سماعت 17 مئی تک ملتوی کرنے کا حکم دے دیا۔پاکستان عوامی تحریک نے پولیس افسران اور دیگر کے خلاف استغاثہ دائر کر رکھا ہے۔
