واشنگٹن(عکس آن لائن)سابق امریکی صدر براک اوباما کی خوش دامن میریان رابنسن 86 سال کی عمر میں انتقال کرگئیں۔ امریکی میڈیا کے مطابق میریان شیلڈز رابنسن کے انتقال کا اعلان سابق خاتونِ اول مشل اوباما اور فیملی کے دیگر ارکان نے ایک بیان میں کیا۔میریان رابنسن بیوہ تھیں۔ ان کی عمر کا بڑا حصہ شکاگو میں گزرا۔ اس شہر سے انہیں عشق تھا۔ جب ان کا داماد ملک کا صدر منتخب ہوا تو وہ اپنی نواسیوں مالیہ اور ساشہ کی دیکھ بھال کے لیے ایوانِ صدر منتقل ہوئیں۔میریان رابنسن کو شکاگو سے بہت پیار تھا۔ 1970 کی دہائی میں جب فیملی نے واشنگٹن منتقل ہونے کا فیصلہ کیا تب انہوں نے شدید مزاحمت کی۔
براک اوباما کے صدر منتخب ہونے پر انہیں واشنگٹن منتقل ہونے پر راضی کرنے کے لیے مشل اوباما نے اپنے بھائی کریگ کے ذریعے دبا ڈلوایا۔میریان رابنسن بنکاری کے شعبے سے وابستہ تھیں اور ایک بینک کے سیکریٹری کی حیثیت سے ریٹائر ہوئیں۔ انہوں نے براک اور مشل اوباما کی بیٹیوں کی پرورش اور تعلیم و تربیت میں کلیدی کردار ادا کیا۔
میران رابنسن قدرے گم نامی میں رہیں تاہم خاندان کی تعلیم و تربیت میں ان کا کردار بہت اہم تھا۔ انہوں نے مشل اوباما اور اس کے بھائی یعنی اپنے بیٹے کریگ کو کچھ بننے میں مدد دینے پر بہت محنت کی
