ماسکو(عکس آن لائن)روسی صدر کے ناقد اور مقید اپوزیشن لیڈر الیکسی ناوالنی کی صحت گرتی جا رہی ہے۔غیرملکی خبررساں ادارے کے مطابق ان کی خاتون وکیل اولگا میخائلووا نے ناوالنی کی زندگی کو لاحق خطرات پر تشویش کا اظہار کیا ۔ وکیل نے کہا کہ ناوالنی کی کمر میں شدید درد ہے اور ان کی دائیں ٹانگ میں بھی مسائل پیدا ہو گئے ہیں۔ دوسری طرف روسی جیل کے حکام نے ناوالنی کی حالت کواطمینان بخش قرار دیا ہے۔ ناوالنی کو فروری میں ایک متنازعہ مقدمے میں ڈھائی سال قید کی سزا سنا دی گئی تھی۔
