دنیا میں سب سے خوبصورت اور میٹھا لفظ ماں ہے، محسن نقوی

اسلام آباد(عکس آن لائن)وفاقی وزیر داخلہ اور چیئرمین پی سی بی محسن نقوی نے کہا ہے کہ اللہ تعالی نے مجھے ماں ہی کی دعائوں سے اس مقام پر پہنچایا ہے۔ماں کے عالمی دن پر جاری کیے گئے اپنے پیغام میں محسن نقوی نے کہا کہ والدہ مرحومہ کی کمی زندگی کے ہر موڑ پر محسوس کرتا ہوں۔انہوں نے کہاکہ ماں جیسی عظیم ہستی سے محبت کسی بھی مخصوص دن سے بالاتر ہے، دنیا میں سب سے خوبصورت اور میٹھا لفظ ماں ہے۔

محسن نقوی نے کہاکہ دنیا بھر کی تمام ماں کی عظمت کو سلام پیش کرتا ہوں، وطن کیلئے قربانیاں دینے والے شہدا کی ماں کو بھی سلیوٹ کرتا ہوں۔وزیر داخلہ نے کہا کہ دل سے دعا ہے کہ اللہ تعالی ہر ماں کو سلامت رکھے۔