لاہور( عکس آن لائن) نامور گلوکارہ راگنی نے کہا ہے کہ اس وقت فلم انڈسٹری سے جڑاہرشعبہ مشکلات کا شکارہے ،فلمیں بنیں گی تومیوزک انڈسٹری بھی ترقی اور عروج حاصل کرے گی ۔ایک انٹر ویو میں گفتگو کرتے ہوئے انہوں نے کہا کہ کورونا وباء کی وجہ سے بیرون ممالک شیڈول شوزبھی منسوخ ہو گئے جس کی وجہ سے گلوکاروں کو بھاری مالی نقصان کا سامنا کرنا پڑا ہے ۔ انہوں نے کہا کہ حکومت سے اپیل ہے کہ کورونا وباء تھمنے کے بعد موسیقی کے ایونٹس منعقد کرائے جائیں تاکہ گھٹن کے ماحول میں رہنے والے عوام کو تفریح کے مواقع میسر آئیںاور اس سے میوزک انڈسٹری کو بھی کچھ سہارا ملے گا۔
