حالات تب ہی سدھریں گے جب ووٹ کی طاقت سے حکومت مدت پوری کرے گی،رانا ثناء اللّٰہ

مکوآنہ (عکس آن لائن )سابق وزیر داخلہ رانا ثناء اللّٰہ کا کہنا ہے کہ ملک کے حالات تب ہی سدھریں گے جب ووٹ کی طاقت سے حکومت مدت پوری کرے گی، اگر اب نفرت کی سیاست ہوئی تو ملک کا نقصان ہوگا۔ فیصل آباد میں عوامی اجتماع سے خطاب کرتے ہوئے رانا ثناء اللّٰہ نے کہا کہ کوئی ملک یا گھر نفرت کی بنیاد پر قائم نہیں رہ سکتا۔

انہوں نے کہا کہ ایک فرد اگر پاگلوں کی طرح کہے کسی کو نہیں چھوڑوں گا تو ایسے گھر یا ملک نہیں چلتے۔سابق وفاقی وزیر کا کہنا تھا کہ ملک میں دہشتگردی اور لوڈشیڈنگ کو 2017 تک ہم نے ختم کیا۔رانا ثنائ اللّٰہ نے کہا کہ قومی اسمبلی میں شہباز شریف نے چئیرمین پی ٹی آئی سے میثاق معیشت کی بات کی، بلاول بھٹو زرداری نے بھی کہا آپ قدم بڑھائیں مگر اْس شخص نے جھوٹے مقدمے اور نفرت کے علاوہ کچھ کام نہیں کیا۔رانا ثناء اللّٰہ کا مزید کہنا تھا کہ 21 اکتوبر کو نواز شریف نے ملک کی خدمت کا پیغام دیاـ