مکوآنہ (عکس آن لائن)گورنمنٹ کالج یونیورسٹی فیصل آباد کے طلباء و طالبات کی جانب سے اپنے فائنل تھیسز کی نمائش کا انعقاد کیا گیا۔
جس میں طلباء و طالبات سمیت اساتذہ نے بڑی تعداد میں شرکت کی۔ جی سی یونیورسٹی فیصل آباد کے کالج آف آرٹس اینڈ ڈیزائن میں ٹیکسٹائل ڈیزائننگ کے طلباء و طالبات نے تھیسز میں اپنی تخلیقی صلاحیتوں کے خوب جوہر دکھائے۔ وائس چانسلر جی سی یونیورسٹی فیصل آباد پروفیسر ڈاکٹر ناصر امین نے ٹیکسٹائل نمائش کا افتتاح کیا۔
ا س موقع پر ان کا کہنا تھا کہ بہترین کام کیلئے ضروری ہے کہ آئیڈیاز بھی بہترین ہوں۔ ٹیکسائل ڈیزائننگ کا یہ کام اس شعبے کے روشن مستقبل کا ضامن بھی ہے اور طلبہ کی اس شعبے میں مہارت اس بات کی نشاندہی بھی کرتی ہے کہ پاکستان کی نئی نسل اس شعبہ کے چیلنجز کا سامنا کرنے کو تیار ہے۔ ان کا مزید کہنا تھا کہ اس نمائش کے انعقاد کا مقصد بھی طلباء و طالبات کو مستقل میں کامیاب بنانے کیلئے بہترین مواقع فراہم کرنا ہے۔
نمائش میں طلباء و طالبات نے اپنی تخلیقی صلاحیتوں کا استعمال کرتے ہوئے مختلف تہذیبوں اور دور جدید کے تقاضوں کو مدنظر رکھتے ہوئے ڈیزائن کئے گئے جدید ملبوسات، جوتوں، صوفہ سیٹ، سمیت دیگر ماڈلز کی نمائش کی، جنہیں دیکھنے کیلئے شہریوں کی بڑی تعداد امڈ آئی۔
