منگوئی (عکس آن لائن)لیگ اسپنر یاسر شاہ نے کہا ہے کہ شان مسعود کی وکٹ بیڈ لک کہلائے گی۔ میڈیا سے گفتگو کرتے ہوئے انہوںنے کہاکہ شان مسعود کی وکٹ بیڈ لک کہلائے گی، جس طرح کی وکٹ ہے ہمیں اپنے بلے بازوں سے اچھے رنز کی امید ہے۔یاسر شاہ نے کہاکہ ہمارے بیٹسمین زیادہ دیر کریز پر ٹھہرنے کی کوشش کریں گے، ابھی اس وکٹ پر گیند زیادہ اسپن نہیں ہورہا، پہلے دو دن میرا کام فاسٹ باؤلرز کو اسپورٹ کرنا تھا۔ انہوںنے کہاکہ امید ہے اگلی اننگز میں پچ تبدیل ہونے لگے گی، پچ تبدیل ہوئی تو گیند ٹرن ہوگا، جس کا فائدہ اٹھاؤں گا۔ انہوںنے کہاکہ ہمیں فیلڈنگ میں بہتری کی ضرورت ہے، نیوزی لینڈ کے بلے بازوں نے اچھی بیٹنگ کی۔یاسر شاہ نے کہاکہ انہیں رنز نہیں مل رہے تھے تو بھی کریز پر ٹھہرے رہے، محمد عباس اور شاہین شاہ آفریدی نے باؤلنگ بری نہیں کی۔
