اسلام آباد (عکس آن لائن)قیام پاکستان سے اب تک سربراہان مملکت کو بیرون ملک سے کتنے تحائف ملے؟،توشہ خانہ کے تحائف کی تفصیلات کے حصول کیلئے شہری نے لاہور ہائیکورٹ کے بعد اسلام آباد ہائیکورٹ سے رجوع کرلیا ۔ درخواست گزار کے مطابق وزرائے اعظم اور صدور کو بیرون ملک سے ملنے والے تحائف کی تفصیلات فراہم کی جائیں ،تحائف کی مارکیٹ ویلیو اور لگائی گئی قیمت کی تفصیلات بھی فراہم کی جائیں ۔
درخواست گزار کے مطابق انفارمیشن کمیشن پہلے ہی توشہ خانہ کی تفصیلات فراہم کرنے کا حکم دے چکا ہے، انفارمیشن کمیشن کے 29جون 2022کے فیصلے پر عملدرآمد کرایا جائے۔ ابوذر سلمان نیازی کی طرف سے دائر درخواست میں سیکرٹری کابینہ ڈویژن اور انفارمیشن کمیشن کو فریق بنایا گیا ہے۔
