انقرہ (عکس آن لائن)ترکی نے فلسطین کے مقبوضہ بیت المقدس میں الشیخ جراح کے مقام سے فلسطینیوں کی جبری بے دخلی کی کوششوں کی شدید مذمت کرتے ہوئے اسرائیل سے مطالبہ کیا ہے کہ وہ الشیخ جراح سے فلسطینیوں کو باہر نکالنے کا فیصلہ واپس لے اور الشیخ جراح میں غیرقانونی یہودی کالونیوںکے قیام سے بازر ہے۔میڈیارپورٹس کے مطابق فلسطینی وزیر خارجہ کے ہمراہ ایک مشترکہ پریس کانفرنس میں ترک وزیر خارجہ مولود جاویش اوگلو نھے کہا کہ ترکی فلسطینیوں کے ساتھ ہونے والی ہر نا انصافی پرآواز بلند کرے گا۔
ان کا کہنا تھا کہ ہم اسرائیل سے مطالبہ کرتے ہیںکہ وہ فوری طور پر الشیخ جراح سے فلسطینیوں کی بے دخلی کا واپس لے۔ انہوں نے مشرقی بیت المقدس اور غرب اردن میں اسرائیلی ریشہ دوانیوں کی شدید مذمت کی۔انہوںنے کہا کہ الشیخ جراح میں اردن کی حکومت نے فلسطینیوں کو مکانات تعمیر کرکے دیئے ہیں جنہیں اسرائیل مسمار نہیں کراسکتا۔ترک وزیر خارجہ نے مسجد اقصی میں نہتے نمازیوںپر اسرائیلی فوج کے وحشیانہ تشدد کی شدید مذمت کرتے ہوئے اسرائیل پر فلسطینیوں کی عبادت کا حق سلب کرنے کا بھی الزام عایدکیا۔
