بھلوال (نمائندہ عکس آن لائن)راہنما پاکستان تحریک انصاف سید سجاد شیرازی نے کہا ہے کہ معاون خصوصی وزیر اعظم پاکستان چوہدری ندیم افضل چن کی قیادت میں علاقائی تعمیروترقی کا آغازکردیا گیا ہے اور عوامی مسائل کو مدنظر رکھتے ہوئے دیہی وشہری علاقوں میں تعمیراتی کاموں کا جال بچھادیا گیا ہے
یہ بات انہوں نے ندیم افضل چن کی جا نب سے بن حبیب بھلوال میں سوئی گیس کی فراہمی کے افتتاح کے موقع پر گفتگو کرتے ہوئے کیا اس موقع پر انہوں نے معاون خصوصی وزیر اعظم پاکستان چوہدری ندیم افضل چن کو اپنے علاقہ کے مسائل سے آگاہ کیا جس پر چوہدری ندیم افضل چن نے سجاد شیرازی کو جلد نبی شاہ بالا کے مسائل کو حل کر نے کی یقین دہانی کروائی انہوں نے کہا کہ تعمیراتی کام مکمل ہونے سے حلقہ بھر کے چکوک اور شہر کی تمام کونسلز تعمیراتی لحاظ سے بہتر سے بہتر بن جائینگی انہوں نے کہا کہ انشاءاللہ تعمیروترقی کا یہ سفر جاری رہے گا اور اہلیان حلقہ کی ترقی کیلئے اپنے تمام تر وسائل بروئے کارلاتے ہوئے اپناکرداراداکرتا رہوں گا۔
