نئی دہلی(عکس آن لائن ) بھارتی وزیر اعظم نریندر مودی نے اپنے ویڈیو پیغام میں عوام سے آج پانچ اپریل کی رات نو بجے سے9 منٹ تک اپنی تمام لائٹ کو بند رکھنے کی اپیل کی۔
نریندر مودی نے ویڈیو پیغام جاری کرتے ہوئے عوام سے پانچ اپریل کی رات نو بجے 9 منٹ تک لائٹ بند کے ساتھ گھروں کے دروازے، بالکونی میں دیا، موم بتی،موبائل لائٹ، یا ٹارچ جلانے کی اپیل کی۔
انہوں نے کہا کہ جس طرح سے جنتا کرفیو میں ہم نے تھالی اور تالی بجاکر مثبت پیغام دیا ہے اور دنیا بھر میں تعریف ہوئی ہے اسی طرح سے ہم لائٹ بند کرکے ایک مثال بنیں اور کورونا وائرس کو شکست دیں۔
