اسلام آباد (عکس آن لائن)ایچ بی ایل پاکستان سپر لیگ 6 میں شریک کھلاڑیوں، اسپورٹ اسٹاف، براڈکاسٹرز اور آفیشلز سمیت تمام افراد کے ویزے جاری کر دیئے گئے ۔ پاکستان کرکٹ بورڈ کے اعلامیہ کے مطابق بھارت سے ابوظہبی کے لیے سفر کرنے والے تمام 25 افراد کو ویزے جاری کر دیئے گئے ،جنوبی افریقہ سے تعلق رکھنے والے تمام کھلاڑیوں اور اسپورٹ اسٹاف کو ویزے جاری کئے گئے ،
جنوبی افریقہ سے ابوظہبی کے لیے سفر کرنے والے مجموعی طور پر 27 میں سے 26 افراد کو ویزے جاری کئے گئے ،پاکستان سے بذریعہ چارٹرڈ فلائیٹ پر یو اے ای روانہ ہونے والے بیشتر افراد کے ویزے بھی جاری ہوچکے،27 مئی کی دوپہر 2 بجے سے پہلے ابوظہبی کے ہوٹل میں چیک ان کرنے پر یو اے ای میں روم آئسولیشن کا پہلا دن شمار کیا جائے گا،اس حوالے سے مکمل تفصیلات جلد جاری کردی جائیں گی
