لاہور (عکس آن لائن) ایچ بی ایل پاکستان سپر لیگ کے سیمی فائنل آج منگل کو کھیلے جائینگے ،پہلا سیمی فائنل ملتان سطانز اور پشاور زلمی کے درمیان دو بجے قذافی اسٹیڈیم میں کھیلاجائیگا دوسرا سیمی فائنل لاہور قلندرز اور کراچی کنگز کے درمیان کراچی کنگز اور لاہور قلندرز کے درمیان سات بجے کھیلا جائیگا ۔ شیڈول کے مطابق ایچ بی ایل پی ایس ایل کا پہلا سیمی فائنل آج منگل کو دو بجے قذافی اسٹیڈیم لاہور میں کھیلا جائے گا، جہاں ملتان سلطانز کی ٹیم پشاور زلمی کے خلاف میدان میں اترے گی۔ یونٹ کا دوسراسیمی فائنل اسی روز شام 7 بجے کراچی کنگز اور لاہور قلندرز کے درمیان کھیلا جائے گا۔
ملتان سلطانز اور پشاور زلمی کی ٹیمیں اس سے قبل گروپ مرحلے میں 2 مرتبہ مدمقابل آچکی ہیں، دونوں مرتبہ کامیابی ملتان سلطانز کے نام رہی جبکہ ملتان سلطانز نے پہلے گروپ میچ میں 6 وکٹوں اور دوسرے میں 3 رنز سے کامیابی حاصل کی تھی۔دوسری طرف روایتی حریفوں لاہور قلندرز اور کراچی کنگز کا گروپ مرحلے میں بھی پلڑا برابر رہا۔ پہلے گروپ میچ میں لاہور قلندرز نے 8وکٹوں جبکہ دوسرے میں کراچی کنگز نے 10وکٹوں سے کامیابی حاصل کی۔پی ایس ایل 2020 کا فائنل سرفہرست دو ٹیموں کے درمیان 18 مارچ کو شام 7 بجے قذافی اسٹیڈیم لاہور میں ہی کھیلا جائے گا۔
