لاہور( عکس آن لائن )نامور اداکار حیدر سلطان نے کہا ہے کہ فلم انڈسٹری کے حالات میں بہتری آنے کے بعد نئے سرمایہ کار ہرگز خوفزدہ نہیں ہیں ،جہاں اردو فلم کی بات کی جائے وہیں پنجابی فلموں کی بات بھی ہونی چاہیے کیونکہ دونوں زبان کی فلمیں بنیں گی تو فلم انڈسٹری ترقی کرے گی ۔
خصوصی گفتگو کرتے ہوئے حیدر سلطان نے کہا کہ فلم انڈسٹری میں جمود کی صورتحال ہونے کی وجہ سے سرمایہ کاروں نے اپنی سرمایہ کاری روک رکھی تھی کیونکہ انہیں خدشہ تھا کہ کہیں ان کا پیسہ ڈوب نہ جائے لیکن اب حالات بدل چکے ہیں اور گزشتہ دو سالوں سے ہماری اردو کے ساتھ پنجابی فلموں نے کامیابی کے ریکارڈ قائم کئے ہیں جس سے نئے فلمسازوں کا رجحان بھی بڑھ رہا ہے ۔
انہوں نے کہا کہ میں صرف پنجابی نہیں بلکہ اردوں فلموں کا بھی حامی ہوں کیونکہ فلم انڈسٹری کی ترقی کے لئے دونوں زبان کی فلمیں بننی چاہئیں اور اسی سے انڈسٹری کو تقویت ملے گی ۔
