کراچی ( عکس آن لائن ) انٹر بینک میں جمعرات کو امریکی ڈالر مزید 10پیسے کی کمی سے158.40روپے کی سطح پر آگیااور اوپن مارکیٹ میں ڈالر کی قدر مستحکم رہی جب کہ یورو اور برطانوی پاونڈ کی قدر میں بھی کمی ریکارڈ کی گئی۔فاریکس ایسوسی ایشن آف پاکستان کے مطابق جمعرات کو انٹر بینک میں روپے کے مقابلے ڈالر کی قدر میں مزید10پیسے کی کمی واقع ہوئی جس سے ڈالر کی قیمت خرید158.40روپے سے گھٹ کر158.30روپے اور قیمت فروخت 158.50روپے سے گھٹ کر158.40روپے پر آ گئی.
جب کہ مقامی اوپن کرنسی مارکیٹ میں ڈالر کی قیمت خرید158روپے اور قیمت فروخت158.30روپے مستحکم رہی۔فاریکس رپورٹ کے مطابق یورو کی قدر میں بھی ایک روپے کی کمی واقع ہوئی جس کے بعد یورو کی قیمت خرید184روپے سے گھٹ کر183روپے اور قیمت فروخت186روپے سے گھٹ کر185روپے پر آ گئی جبکہ برطانوی پونڈ کی قیمت خرید 207روپے سے گھٹ کر205روپے اور قیمت فروخت209روپے سے گھٹ کر207.50روپے ہوگئی۔
