واشنگٹن (عکس آن لائن)امریکی ارکان پارلیمنٹ بھی بھارتی کسانوں کے حق میں آواز اٹھانے لگے، الہان عمر نے بھارتی کسانوں سے اظہار یک جہتی کرتے ہوئے سوشل میڈیا پر لکھا کہ بھارت کو اپنے بنیادی جمہوری حقوق کا تحفظ کرنا ہوگا،کانگریس وومن ہیلے اسٹیونس نے بھی کسان مظاہرین پر طاقت کے استعمال پر شدید تحفظات کا اظہارکیا ہے۔الہان عمر نے سوشل میڈیا اکائونٹ سے کسان مظاہرین کی ایک ویڈیو شیئر کرتے ہوئے لکھا کہ بھارت کو اپنے بنیادی جمہوری حقوق کا تحفظ کرنا،معلومات کے آزاد بہائو کی اجازت دینا ، انٹرنیٹ تک رسائی بحال کرنااور مظاہروں کی کوریج کے لئے زیر حراست تمام صحافیوں کو رہا کرنا ہوگا۔ایک اور رکن پارلیمنٹ ہیلے اسٹیونس نے کہا ہے کہ انہیں پرامن کسان مظاہرین پر طاقت کے استعمال پر شدید تحفظات ہیں۔
