لاہور(عکس آن لائن)پاکستانی فلماسٹار معمر رانا نے انکشاف کیا ہے کہ وہ مشہور اداکارہ پرینکا چوپڑا کو بنا ء میک اپ دیکھ کر پہچان ہی نہیں پائے تھے۔ایک انٹر ویو میں انہوںنے کہا کہ سابقہ مس ورلڈ میک اپ کے بغیر بالکل مختلف نظر آتی ہیں، میں اور سلمان خان محو گفتگو تھے اس دوران ایک لڑکی آئی اور دبنگ خان سے باتیں کرنے لگی۔انہوںنے بتایا کہ مجھے پتا ہی نہیں چلا کہ یہ لڑکی کون تھی، جب لڑکی کے جانے کے بعد سلمان سے پوچھا یہ محترمہ کون تھیں؟ تو انہوں نے حیرانی کا اظہار کرتے ہوئے کہا کہ تم نے نہیں پہچانا؟ یہ پریانکا چوپڑا تھی۔
معمر رانا نے کہا کہ یہ سن کر میں کافی حیران ہوا، پرینکا سے میرا سارا کرش ختم ہوگیا، انہوں نے امیشا پٹیل کی تعریف کی اور کہا کہ وہ بہت دلکش اور حسین اداکارہ ہیں ،وہ بالکل فٹ اور دکھنے میں بہت پیاری ہیں۔پاکستانی اداکارائوں کے حوالے سے گفتگو میں انہوںنے کہا کہ بغیر میک اپ صائمہ بہت پیاری لگتی ہیں، ریما اور ریشم حقیقی طور پر خوبصورت ہیں جبکہ اسکرین اپیئرنس میرا کی شاندار ہے۔
